Novak Djokovic vijon rrugëtimin e tij fantastik në Australian Open, duke u kualifikuar për herë të 11-të në gjysmëfinale të këtij Grand Slam-i.
Tenisti serb, shkon në mesin e katër më të mirëve, pasi mposhti 3-1 amerikanin Taylor Fritz, numrin 12 në botë.
Fritz qëndroi fort në setin e parë, por e humbi me tai-break. Amerikani nuk u dorëzua dhe fitoi setin e dytë 6-4. Por vetëm kaq, pasi Djokovic u rikthye në lojën e tij dhe fitoi dy setet e tjera, përkatësisht 6-2 dhe 6-3.
Në gjysmëfinale Djokovic do të përballet me italianin Jannik Sinner, numrin 4 në botë, që mundi 3-0 rusin Andrey Rublev. Djokovic kërkon triumfin për herë të 11 në Australian Open.
Edhe te femrat mësohet gjysmëfinalja e parë. Amerikania Coco Gauff fitoi 2-1 ndaj ukrainases Marta Kostyuk. Dy setet e para u vendosën me tai-break, nga një për secilën, ndërsa në setin e tretë amerikania fitoi me lehtësi 6-2.
Gauff, numri 4 në botë, do të përballet me rusen Aryna Sabalenka-n, numrin dy në botë, që fitoi 2-0 ndaj çekes Barbora Krejcikova. Rusja dominoi në të dyja setet, duke fituar 6-2 dhe 6-3.
