Tirana pret nesër Korabin në “Selman Stërmasi”, sfidë e vlefshme për 1/8-tat e Kupës së Shqipërisë.
Portieri i bardhebluve, Mustafë Abdullahu u shpreh se është ndeshje e rëndësishme nesër me Korabin dhe se do të japin maksimumin. Ndër të tjera ai tha se vendi i 4-të në Superiore nuk është shqetësim pasi kanë ende ndeshje për të luajtur.
“Është ndeshje e rëndësishme do të japim maksimumin dhe respektojmë kundërshtarin. Në Durrës ishte ndeshje e vështirë, barazuam, e kaluam dhe shpresojmë të marrim ndeshje tjera. Tirana mund të marrë Kupën. Është ekip i madh dhe kemi objektiva të mëdha. Vendi i 4-të nuk është shqetësim pasi ka ndeshje të tjera”, deklaroi ai për mediat.
Ndeshja e nesërme do të jetë një mundësi për Tiranën për t’u “hakmarrë” ndaj skuadrës dibrane, pasi herët e fundit që të dy skuadrat u përballën në vitin 2020, Korabi doli triumfues në Kupë falë golit të Xhuliano Skukës.
