Tiago Djaló është futbollisti më i ri i Juventusit. Njoftimin zyrtar e ka bërë vetë klubi bardhezi, përmes kanaleve në rrjetet sociale.
Mbrojtësi portugez, i lindur në vitin 2000, vjen në Torino në formë të përhershme nga Lille dhe nënshkruan një kontratë që e lidh atë me ngjyrat e Bianconerëve deri në vitin 2026.
Pasi u rrit si futbollist në Portugali, konkretisht te Sporting CP, Djaló u zhvendos te AC Milan në janar 2019, ku u bashkua me skuadrën Primavera.
Ai zhvilloi 15 paraqitje për ekipin e kuqezinjve U-19 në pjesën e dytë të sezonit 2018/2019, përpara se t’i thoshte lamtumirë Italisë.
Debutimi për skuadrën e Allegrit mund të vijë në ndeshjen e Serie A ndaj Empolit.
Presenting our Portuguese number 3️⃣3️⃣ pic.twitter.com/cdLew1wcXG
— JuventusFC (@juventusfcen) January 22, 2024
