Kanë dalë pamjet nga vendi i ngjarjes së rëndë të regjistruar paraditen e kësaj të hëne në Tiranë, ku u shkëput skela e një pallati në ndërtim dhe plagosi babë e bijë H. L., rreth 70 vjeç, dhe I. Sh., rreth 45 vjeçe, të cilët po kalonin në trotuar.
Bëhet fjalë për pallatin që po ndërtohet nga kompania “Arlis Ndërtim” e Armand Lilos, buzë Lanës në bulevardin “Gjergj Fishta” në kryeqytet.
Siç shihet dhe nga fotot e mëposhtme, skela prej hekuri që plagosi babë e bijë, ndodhet ende në tokë, ndërsa ka edhe njolla gjaku. Ngjarja ndodhi rreth orës 10:10 të paradites, teksa të plagosurit u transpiortuabn me urgjencë në spital.
Policia e Tiranës bëri me dije se pas ngjarjes ka shoqëruar në komisariat inxhinierin e pallatit, shtetasin K. S., dhe punëtorët N. S., dhe A. P., për veprime të mëtejshme procedurale. Grupi hetimor po punon për sqarimin e rrethanave të ngjarjes.
