Drini Zeqo la garën e “BBV” tre ditë pas hyrjes për arsye familjare. Gazetari tregoi se motra e tij vuan nga probleme të shëndetit mendor dhe ditët e fundit ajo kishte shfaqur shqetësime të tjera, e se duhej të ndodhej pranë saj.
I ftuar në ‘Fan Club’, Drini nuk përjashtoi mundësimi e një rikthimi në ‘reality show-n’ e famshëm.
“Nuk i dihet asnjëherë. Unë them vetëm se nuk i dihet jetës dhe Vëllai i Madh ka forma të mistershme si i lëviz duart. Në një javë kanë ndodhur kaq shumë gjëra sa nuk është çudi që në 3 muaj apo më shumë të ndodhin çudira të tjera”, tha Drini Zeqo.
Opinionistja Ina Kollçaku i tha Drinit se i vjen keq që një personazh me vlerë si ai ndodhet jashtë shtëpisë, ndërsa ai ia ktheu: “Prit një herë se mos futem prapë”.
