Një anëtari i Këshillit Bashkiak të Elbasanit nga radhët e PL-së, është arrestuar në kuadër të operacionit “Tempulli 2”, që ka në shënjestër shpërndarësit e drogës.
Franko Hakilja ka rënë në pranga nën akuzën e “prodhimit dhe shitjes së lëndëve narkotike”.
Në kuadër të fazës së dytë të megaoperacionit policor “Tempulli” janë arrestuar 273 persona gjatë 24 orëve në të gjithë Shqipërinë.
Policia njoftoi zyrtarisht se u shpallën në kërkim 26 persona dhe u goditën anëtarë të 7 grupeve kriminale.
Gjithashtu, u sekuestruan 7.5 kilogramë kokainë, 560 kilogramë kanabis, një sasi heroine, 10 armë zjarri, 16 armë gjahu, 3 armë sportive, 9 armë të ftohta, municion luftarak i kalibrave të ndryshëm, 2 granata dore, 1 jelek antiplumb, 184 celularë, 40 automjete, 11 peshore elektronike dhe shuma të konsiderueshme parash në lekë, paund dhe euro.
