Një 18-vjeçar ka humbur jetën një ditë më parë në spital në Podujevë, pasi u përplas me makinë dhe u dhunua me shufra metalike nga një grup personash.
Bëhet fjalë për shtetasin Lulzim Fejzullahu. Lajmin për vdekjen e ka bërë të ditur familja e tij.
Sipas Indeksonline, viktima kohë më parë kishte humbur dhe dy prindërit e tij, ndërsa në lidhje me ngjarjen janë arrestuar deri më tani nga Policia e Kosovës dy persona.
Ndërkohë, Prokuroria Themelore e Prishtinës ka deklaruar se rasti i iniciuar fillimisht si “Vrasje në tentativë” tani është ricilësuar si “Vrasje e rëndë” ndërkohë të dyshuarit janë dërguar në masë të paraburgimit.
