Këngëtarja e re dhe premtuese serbe, Andriana Lazic, ka humbur jetën tragjikisht, pasi është rrëzuar nga kati i 24-të i një ndërtese në Dubai.
Mediat serbe raportojnë se këngëtarja nga Bjelina, Republika Srpska, më 7 janar shkoi në Dubai me miqtë e saj dhe tre ditë më vonë humbi jetën në një aksident.
Andriana ishte në fillimet e karrierës së saj si këngëtare dhe para se të nisej për në udhëtim ka bërë dy këngë të cilat i ka incizuar me kompozitorin e njohur Goran Ratkoviq dhe të cilat së shpejti do të publikoheshin.
Për këtë ngjarje tragjike ka folur edhe babai i saj për mediat vendase. “Po, është e vërtetë, është e vërtetë, ka rënë nga kati i 24-të”, pohoi ai i tronditur.
Babai i ka dhënë lamtumirën e fundit vajzës së tij në rrjetet sociale.
