Një tjetër kryebashkiak i Partisë Socialiste në “duart” e SPAK. Bëhet fjalë për kreun e Bashkisë së Skraparit, Adriatik Mema, i cili është kallëzuar në Prokurorinë e Posaçme nga dy qytetarët Adriana Qevani dhe Miranda Bakiasi, të përfaqësuar nga studio ligjore e avokatit Arben Llangozi.
Kryebashkiaku i Skraparit Adriatik Mema, akuzohet për kryerjen e vepraver penale të “Korrupsioni pasiv i funksionarëve të lartë shtetërorë ose i të zgjedhurve vendor” dhe “shpërdorimit të detyrës”.
Sipas kallëzimit panal të depozituar në SPAK, kryebashkiaku Mema ka favorizuar nëpërmjet mosveprimit Shoqërinë “Topi – Eki” sh.p.k. dhe shtetasin Anesti Topi, të cilët po ashtu janë kallzuar në SPAK dhe akuzohen për veprën penale të “Korrupsioni aktiv i funksionarëve të lartë shtetërorë ose i të zgjedhurve vendor”, dhe “Pastrim i produkteve të veprës penale”.
Thuhet se Adriatik Mema ka lejur shtetasin Anesti Topi, të shkatërroj një parcelë toke prej 5.3ha tokë pyll 50 vjeçar me dru AHU dhe Panjë, të ndodhur në Komunën Leshnje, Skrapar. Sipas kallëzuesve, kjo tokë po zhfrytëzohet në mënyrë të kundraligjshhme dhe të padrejtë nga të kallzuarit shoqëria “Topi – Eki” sh.p.k. dhe shtetasi Anesti Topi, të cilët janë favorizuar nga institucionet ligjzbatuese por edhe nga ana e Bashkisë së Skraparit.
Postimi i plotë i avokatit Arben Llangozi:
Një tjetër kryetar bashkie i rilindjes në “SPAK”/ Kallzohet penalisht Kryetari i bashkisë Skrapar Adriatik Mema
Kryetari i bashkisë Skrapar Adriatik Mema, kallzohet penalisht në SPAK, ai akuzohet për veprën penale të “Korrupsioni pasiv i funksionarëve të lartë shtetërorë ose i të zgjedhurve vendor”, dhe për veprën penale të shpërdorimit të detyrës .
Ai akuzohet se ka favorizuar nëpërmjet mosveprimit Shoqërinë “Topi – Eki” sh.p.k. dhe shtetasit Anesti Topi, të cilët janë kallzuar sëbashku me kryebashkiakun, edhe këta shtetas akuzohen për veprën penale të “Korrupsioni aktiv i funksionarëve të lartë shtetërorë ose i të zgjedhurve vendor”, dhe “Pastrim i produkteve të veprës penale”.
Kryetari i bashkisë Mema ka lejur shtetasin Anesti Topi, të shkatërroj një parcelë toke prej 5.3ha tokë pyll 50 vjeçar me dru AHU dhe Panjë.
Kjo pasuri ndohet në Komunën Leshnje, Skrapar e cila është zaptuar dhe po zhfrytëzohet në mënyrë të kundraligjshhme dhe të padrejtë nga të kallzuarit shoqëria “Topi – Eki” sh.p.k. dhe shtetasi Anesti Topi, të cilët janë favorizuar nga institucionet ligjzbatuese por edhe nga ana e pushtetit vendor që është bashkia Skrapar dhe pikërisht kryetari i kallzuar Adriatik Mema.
