Shtatë minatorë të Trepçës, kanë marrë plagë këtë të mërkurë, pasi u është derdhur një sasi acidi në trup.
Lajmin e ka konfirmuar Destan Kerleshi nga Sindikata e minatorëve të Trepçës. Ai ka bërë të ditur se minatorët e lënduar janë duke u trajtuar në Spitalin e Mitrovicës.
Pesë nga të lënduarit janë ende në trajtim në emergjencë, ndërsa dy janë pranuar në Repartin e Oftamologjisë për trajtim të mëtejshëm.
Të tjerët kanë dhembje gjoksi, probleme me frymëmarrjen, djegie të fytit për shkak të acidit që është derdhur në minierë.
Priten të dhëna të tjera në lidhje me ngjarjen dhe shkaqet e lëndimit të krijuar.
