Pas Matteo Gabbias dhe Filippo Terraccianos, Milani synon të afrojë edhe një tjetër qendërmbrojtës. Objektivi i vërtetë i kuqezinjve është kapiteni i Torinos, Alessandro Buongiorno, i cili po bën paraqitje mjaft të mira në Serinë A, por edhe në kombëtaren italiane.
Buongiorno ka takuar agjentët e tij mbrëmjen e të martës për të diskutuar mbi ofertën dhe mundësinë e transferimit në Milano, teksa problem mbetet arritja e akordit me klubin e Torinos.
Kjo pasi presidenti Urbano Cairo nuk është i kënaqur me ofertën prej 15 milionë eurosh plus kartonin e sulmuesit Lorenzo Colombo, që vlerësohet rreth 10 milionë euro, shifër kjo e konsideruar e lartë nga torinezët.
Për më tepër, te skuadra ‘granata’ nuk duan të privohen nga kapiteni në muajin janar, me shpresën se vlera e tij në treg mund të rritet edhe më shumë deri në fund të sezonit.
