Eugen Prifti është emëruar drejtori i ri i Agjencisë Shtetërore të Kadastrës në Sarandë. Vendimi është marrë nga Drejtoria e Përgjithshme një ditë më parë.
Mësohet se 5 punonjës pranë kësaj drejtorie janë shkarkuar nga detyra.
Kujtojmë që pak ditë më parë oficerë të Komisariatit të Policisë Sarandë zbarkuan në zyrat e ASHK Sarandë. Ata kanë kryer kontrolle dhe sekuestruar dokumentacione pas një hetimi që ka nisur lidhur me shkelje të ndryshme, që ka çuar në shkarkimin e drejtoreshës së ASHK Sarandë, Aida Demi.
Aida Demi është shkarkuar nga detyra pas investigimit të emisionit investigativ “STOP”, ku tregohej sesi familja e saj ka përfituar tokë që më parë ka qenë det.
