Plarent Ndreca ka marrë sot mandatin e deputetit, duke zënë kështu vendin e Arben Ahmetajt, i cili ndodhet në arrati për t’iu shmangur drejtësisë shqiptare e cila e ka shpallur në kërkim ndërkombëtar për aferën e inceneratorëve.
Ndreca do të përfaqësojë PS në Kuvend, ndërkohë që do të duhet të respektohen dhe procedurat siç e përcakton ligji, deri në betimin e tij.
Dallëndyshe Bici ka refuzuar mandatin e deputetes, duke ia lënë vendin kështu Ndrecës, sipas listës emërore të PS për zgjedhjet parlamentare të 2021-it. Bici nuk mundi të braktisë Kadastrën që njihet nga të gjithë si një nga dikasteret më të korruptuar të qeverisë së “Rilindjes”.
