Superliga shqiptare e futbollit mbyll sot javën e 19-të. Këtë të dielë në program janë dy duele. Duke nisur nga ora 13:30, Laçi dhe Erzeni barazuan 0-0 duke ndarë pikët në një ndeshje me raste. Po sot, në orën 17:00 stadiumi “Loro Boriçi” në Shkodër pret ndeshjen mes Vllaznisë dhe Kukësit.
Në Kurbin, Laçi dhe Erzeni u ndanë në paqe pa gola, duke barazuar 0-0 për javën e 19-të në Superligë. Bardhezinjtë e Mirel Josës nuk mundin sërish të dalin te tri pikët, ndërsa e mbyllën këtë duel me një lojtar më pak. Në të 60 minutë Christian la të tijtë me dhjetë vetë në fushë, kjo pas dy kartonave të verdhë. Edhe pse skuadrat patën disa raste, në fund u pajtuan duke ndarë nga një pikë. Laçi ndodhet në vendin e gjashtë me 22 pikë, ndërsa Erzeni po me 22 pikë mban vendin e tetë.
E premte
17:00 Dinamo 2-3 Tirana
E shtunë
13:30 Egnatia 1-0 Skënderbeu
17:00 Partizani 1-0 Teuta
E dielë
13:30 Laçi 0-0 Erzeni
17:00 Vllaznia – Kukësi
