Një zjarr i përmasave të mëdha ka rënë mbrëmjen e kaluar në Burrel. Pesë shtëpi janë përfshirë nga flakët në rrethana ende të paqarta.
Sipas policisë lokale të Matit fillimisht zjarri ka rënë tek njëra banesë dhe më pas ka agravuar tek banesat e tjera, të cilët ishin me çati të përbashkët.
Nga zjarri fatmirësisht nuk raportohet për persona të lënduar, ndërsa pesë familje kanë mbetur në qiell të hapur, pasi banesat janë shkrumbuar tërësisht.
Një nga pronaret e banesës së djegur, është shprehur për mediat se nuk e di shkakun e zjarrit, ndërsa bëri thirrje për ndihmë.
‘Kam dalë në 7 pa 20 te puna. Kam lënë fëmijët brenda dhe kur më kanë marrë në telefon po të digjet shtëpia. Ka ndodhur nga ora 6 e 30 në orën 7. Fëmijët kanë qenë tek tezja e vet. Nuk e di se cili ka qenë shkaku i zjarrit vetëm më kanë thënë se banesat janë djegur. Kanë ardhur mbrëmë përfaqësues të bashkisë. Sot me kanë thënë se do vij. Kërkojmë ndihmë të strehojmë fëmijët.’- tha ajo.
