Verona ka arritur që të marrë një fitore të vlefshme, deri diku mes drithërimash ndaj Empolit në javën e 20-të të Seria A. Me këtë sukses Verona, provizorisht, del nga zona e rënies, pasi me 17 pikë mban vendin e 17-të në renditje. Ndërsa Empoli i tre lojtarëve kuqezi, mban vendin e parafundit me 13 pikë.
Nga tre futbollistët e Kombëtares, Etrit Berisha, Ardian Ismajli dhe Stiven Shpendi, vetëm sulmuesi e nisi si titullar. Fati qe me Shpendin, pasi në nxehje u dëmtua sulmuesi Destro, kështu që sulmuesi i Kombëtares U-21 e nisi nga minuta e parë. Shpendi luajti 56 minuta dhe më pas u zëvendësua nga Kanselieri. Ndërsa portieri Berisha, çuditërisht e ka humbur vendin e titullarit, ndërsa Ismajli nuk ishte grumbulluar për këtë takim.
Verona e nisi vrullshëm takimin, pasi që në minutën e tretë gjen golin me Djuriç. Edhe pjesa e dytë nisi mbarë për vendasit, që në minutën e 56-të dyfishojnë me Ngonge. Në të 64-ën Zhurkovski shënon për Empolin duke e hapur ndeshjen. Në minutën e 87-të Verona mbeti me 10 lojtarë, pas daljes me karton të kuq të Dudas. Minutat e mbetura sjellin ankth për Veronën, por që ia del ta mbrojë rezultatin 2-1.
