Viti 2023 ishte tepër pozitiv për Ernest Muçin, i cili arriti të linte gjurmë me fanellën e Legias së Varshavës, duke zgjuar interesin e disa klubeve të rëndësishme Europiane, që kërkojnë shërbimet e tij në merkaton e janarit.
Ndërkohë së fundmi ka ardhur një tjetër vlerësim pozitiv për ish-sulmuesin e Tiranës.
Legia e Varshavës ka publikuar në faqet zyrtare në rrjetet sociale rezultatet e votimeve të tifozëve sa i përket kategorisë ‘Më të mirët e vitit 2023’. Në listën e fitueseve gjendet edhe emri i Ernest Muçit.
Tifozët e Legias së Varshavës kanë votuar golin e tij si më të bukurin për vitin 2023. Bëhet fjalë për golin që sulmuesi shqiptar i shënoi Aston Vilës në Europë, në ndeshjen e cila u luajt në Angli.
Aston Villa 1-[1] Legia Warszawa – Ernest Muçi 20′
byu/4gjdtokurwa insoccer
Sulmuesi kryeqytetas goditi me mjaft klas me të djathtën e tij në hyrje të zonës dhe e ndali topin në trekëndësh. Një ekzekutim i përsosur që i mrekulloi të gjithë.
