Një 18-vjeçar nga fshati Voskop i Korçës është proceduar nga policia lokale pasi akuzohet se ka kryer marrëdhënie intime me dhunë me një vajzë 15-vjeçare.
“Specialistët për Hetimin e Krimeve të Komisariatit të Policisë Korçë referuan materialet në Prokurori ku filloi procedimi në gjendje të lirë për shtetasin F. L., 18 vjeç, banues në fshatin Voskop, Korçë, pasi në muajin tetor të vitit 2023, dyshohet se ka kryer marrëdhënie seksuale me dhunë me një shtetase 15 vjeçe”, thuhet në njoftimin e bluve.
Policia po punon për sqarimin e rrethanave dhe dokumentimin e plotë të këtij rasti, ndërsa materialet procedurale i kaluan Prokurorisë pranë Gjykatës së Shkallës së Parë të Juridiksionit të Përgjithshëm Korçë, për veprime të mëtejshme, shtuan të njëjtat burime.
