Fatmir Tarellari 50 vjeç, është shqiptari që vrau me armë zjarri shtetasin Erjon Pelivani, 33 vjeç, pasi pretendon se i përdhunonte të bijën që prej moshës 9-vjeçare.
Ngjarja e rëndë ka ndodhur në Volos të Greqisë, ku pas vrasjes Tarellari është vetëdorëzuar në polici dhe ka treguar pse e ka kryer krimin.
Dinamika e ngjarjes:
Sipas mediave vendase, Tarellari ka treguar se vajza e tij 18-vjeçare prej martesës së tij të parë, i kishte rrëfyer se 33-vjeçari e përdhunonte rregullisht në banesën e saj që në moshën 9 vjeçe.
Vajza ishte mbajtur nën presion psikologjik prej Erjon Pelivanit, madje ai kohët e fundit e kërcënonte se do të publikonte foto dhe video gjatë akteve intime që ata kishin së bashku.
Pasi vajza e denoncoi tek babai i saj, ky i fundit bleu një armë dhe në vazhdim i kërkoi bashkëshortes së tij ti kërkonte të vëllait të vinte ta ndihmonte për një punë.
Pasi të dy burrat dolën në aksin që lidh Volosin me fabrikën e çimentos, në një shesh të izoluar autori fiku makinën dhe pas një sherri verbal me tyre Tarellari nxorri armën e qëlloi viktimën me plumb në gjoks duke e lënë të vdekur në vend.
Më pas Tarellari ka telefonuar policinë dhe ka treguar që ka vrarë një person dhe pak më vonë është paraqitur fikiziksht në stacionin policor.
“Jam unë ai që ju telefonova më herët. Kam vrarë një burrë. Kam vrarë njeriun që më helmoi fëmijën tim”, mësohet të ketë thënë ai.
Mbas rrëfimit të autorit forcat e policisë shkuan në vendin që ai iu tregoi dhe gjetën trupin e viktimës me shenja e goditje në fytyrë që Tarellari ja kishte shkaktuar me tytën e armës.
Autori do të dërgohet në gjykatë për masë sigurie ndërse gjatë orëve në vazhdim pritet të merret në pyetje edhe, vajza 18-vjeçare e autorit e cila do të tregojë detaje rreth ngjarjes së rëndë.
