Tashmë është zyrtare, sulmuesi kosovar, Arbër Hoxha është futbollisti më i ri i Dinamo Zagreb.
Gjigandi kroat para pak minutash ka konfirmuar transferimin e 25-vjeçarit nga Slaven Belupos, ndërsa nuk bëhen të ditura detajet financiare të marrëveshjes.
“Jam jashtëzakonisht i kënaqur që kam arritur një marrëveshje me Dinamon dhe jam bërë një lojtar i ri i këtij klubi të madh, më të madh në Kroaci! Falënderoj ish-bashkëlojtarët dhe trajnerin për të gjitha përvojat, për gjithçka që më kanë mësuar, por tani për mua, prova e vërtetë po fillo në kuptimin e plotë të fjalës.
Për një kohë të gjatë ishte dëshira ime të luaja për Dinamon dhe sapo dëgjova se kishte një interes të klubit për mua, nuk hezitova. Do të bëj çmos për të justifikuar besimin e klubit dhe për të arritur suksese të shumta dhe momente të paharrueshme së bashku!”. – ka deklaruar lojtari pas transferimit.
Arbër Hoxha në të kaluarën ka qenë pjesë e Prishtinës dhe Ballkanit në Superligën kosovare, ndërsa ka luajtur edhe për Lokomotivën e Zagrebit përpara se të firmoste për Slaven Belupos një vit më parë.
Hoxha është pajisur pak kohë me parë dhe pasaportën shqiptare dhe është një nga emrat që po monitorohet nga trajneri Silvinjo pasi mund të ndryshojë ekipin përfaqësues, edhe pse ka luajtur tre ndeshje me fanellën e Kosovës.
