Të shtëna me armë zjarri janë dëgjuar pak pas mesnate në lagjen “Rus” në Shkodër. Një 83 vjeçar, i identifikuar si Fasli Hyka, ka marrë armën dhe ka qëlluar disa herë nga ballkoni i shtëpisë së tij.
Nga të shtënat me armë nuk raportohet asnjë i lënduar, vetëm është dëmtuar një automjet i parkuar.
Mësohet se i moshuari para se të qëllonte ka telefonuar policinë duke i kërkuar ndihmë pasi sipas tij jashtë kishte zhurma që po e shqetësonin.
Ndërkohë mësohet se shtetasi Fasli Hyka vuan nga problemet e shëndetetit mendor ndërsa ka edhe disa sëmundje të tjera si dhe ka humbur shikimin tek njëri sy. Komshinjtë dhe tregtarët në Rus e njohin 83 vjeçarin si një person problematik i cili edhe herë të tjera i ka kërcënuar.
83-vjeçari është shoqëruar për veprime të mëtejshme proceduriale.
