Një punonjës policie në Memaliaj është dhunuar fizikisht nga një 31 vjeçar në rrethana ende të pazbardhura.
Autori është Denis Mema, i cili është arrestuar në flagrancë nga forcat e rendit.
Grupi hetimor ka nisur punën për zbardhjen e rrethanave, ndërsa i riu do të përballet me akuzën e dhunës për shkak të detyrës.
Njoftimi:
Gjirokastër
Specialistët e Seksionit për Hetimin e Krimeve të Stacionit të Policisë Memaliaj arrestuan në flagrancë shtetasin Denis Mema, 31 vjeç, banues në Memaliaj, pasi ka goditur për shkak të detyrës, një punonjës policie.
Materialet procedurale i kaluan Prokurorisë pranë Gjykatës së Shkallës së Parë të Juridiksionit të Përgjithshëm Gjirokastër, për veprime të mëtejshme.
