Një 34-vjeçare, banuese në Itali, ka denoncuar në Policinë e Belshit se i kanë grabitur çantën me 3 mijë euro brenda.
Ajo ka thënë se brenda çantës ka ptur dhe dhe disa aksesorë floriri dhe dokumente. Sipas saj, ngjarja ka ndodhur në ambientet e jashtme të një byrektorje në Belsh.
“Në stacionin e Policisë Belsh, ka kallëzuar shtetasja M. T., 34 vjeçe, banuese në Itali, se në ambientet e jashtme të një byrektorje i kanë vjedhur çantën brenda së cilës kishte 3000 euro, disa aksesorë floriri dhe dokumente”-njofton policia.
Autoritetet bëjnë me dije se vijon puna për identifikimin dhe kapjen e autorit/ëve të vjedhjes. Materialet procedurale i kaluan Prokurorisë së Elbasanit për veprime të mëtejshme.
