Moderatorja Alketa Vejsiu është shumë aktive në rrjetet sociale, ku ndan me fansat momente nga jeta e saj personale dhe profesionale.
Së fundmi ajo ka zhvilluar një bisedë virtuale me ndjekësit e saj në Instagram, ku një ndër ta i ka kërkuar asaj që të realizojë një podcast me moderatoren Arbana Osmani.
“Arbanën e duam në një podcast me ty dy (mbretëreshat) e ekraneve shqipfolëse”– ka shkruar fansi.
Alketa u shpreh e gatshme që të zhvillojë një projekt me Arbanën.
“Më shumë se e mirëpritur. Besoj do kishim shumë për të thënë, një brez, një fillesë, një pasion, bashkëkohëse të pandara që 14 vjec në media. Gjithmonë kam dashur të bëjmë diçka bashkë, e ftova dhe në Festival në 2020 por su bë dot e mundur. Duhet në fakt te dyja ta kemi një moment televiziv. Ta ideoj Arbana, unë e ndjek“- iu përgjigj Alketa.
