Ardit Hila mund të konsiderohet lojtari më i ri i Elbasanit. Mesfushori i Tiranës në pjesën e dytë të sezonit do të veshë fanelën e verdhebluve.
Palët kanë arritur marrëveshjen, teksa mungon vetëm zyrtarizimi i transferimit të Hilës në Elbasan. Mesfushori në pjesën e parë të sezonit ka luajtur në 16 ndeshje , ku ka arritur të shënojë 2 gola dhe të dhurojë 2 asiste.
31-vjeçari e ka deklaruar edhe vetë se do të dëshironte të rikthehej në klubin e tij të zemrës në vendlindjen e tij, aty ku jeton aktualisht. Tashmë kjo dëshirë e tij është plotësuar, teksa do të presim vetëm zyrtarizimin.
Kujtojmë se mesfushori për të dytën herë ishte pezulluar nga bardheblute. Mes lojtarit dhe drejtuesve nuk u arrit “paqja” dhe kanë vendosur të ndajnë rrugët.
