Victor Da Silva, ishte një nga largimet e Partizanit në këtë merkato dimri. Fantazisti nuk ka humbur kohë dhe ka gjetur menjëherë skuadrën e re.
Këtë të premte, lojtari brazilian u prezantua në Uzbekistan, te skuadra e Nasaf Qarshi. Këta të fundit, në sezonin e kaluar u shpallën nënkampionë dhe në edicionin e ri, synojnë fitimin e titullit.
Da Silva largohet kështu nga Superiorja, ku përveç Partizanit luajti edhe me skuadrën e Vllaznisë, ku spikati si lojtar.
