Qytetarët në New York kanë mbajtur homazhe këtë të premte, për tragjedinë e ndodhur në familjen shqiptare.
Ngjarja ndodhi pak ditë më parë ku, 49-vjeçari Watson Morgan, oficer policie, vrau me armë zjarri bashkëshorten e tij me origjinë shqiptare, Ornela Morgan, 43 vjeç dhe dy djemtë e tij të mitur, përkatësisht 10 dhe 12 vjeç.
Ngjarja e rëndë u zbulua nga policia pak pas mesnatës të së premtes në shtëpinë e familjes në New City, një periferi të New York City, pasi 49-vjeçari nuk u paraqit në turnin e tij të mbrëmjes.
Me lule në duar, fotografi dhe qirinj të ndezur, qindra qytetarë kanë bashkuar lutjet për nënën dhe dy të vegjlit e saj që u vranë për arsye ende të paqarta nga kryefamiljari, Watson Morgan.
