Policia e Elbasanit ka zbardhur grabitjen e 17 mijë eurove në banesën e shtetasit M. M., në fshatin Bathës, ngjarje kjo e regjistruar në muajin Prill të vitit të kaluar.
Autori i dyshuar i kësaj grabitje është vëllai i të grabiturit, i cili është arrestuar dhe me paratë e grabitura ka blerë një automjet. Në pranga është vënë shtetasi Elton Muça, 38 vjeç, banues në fshatin Bathës.
Gjithashtu, është proceduar në gjendje të lirë dhe bashkëshortja e tij, shtetasja K. Muça, 37 vjeçe, e cila dyshohet se e ka ndihmuar për të kryer grabitjen.
Nga veprimet hetimore dyshohet se këta dy shtetas, më 23.04.2023, kanë vjedhur 17 000 euro në banesën e shtetasit M. M., në fshatin Bathës. Në cilësinë e provës materiale u sekuestrua automjeti i shtetasit Elton Muça, të cilin ky shtetas dyshohet se e ka blerë me paratë e vjedhura.
Materialet procedurale i kaluan Prokurorisë pranë Gjykatës së Shkallës së Parë të Juridiksionit të Përgjithshëm Elbasan, për veprime të mëtejshme.
