Grupi i hakerave iranianë, i ashtuquajturi “Homeland Justice” pas sulmit ndaj kompanisë “One Albania”, ata kanë vijuar kërcënimet në profilin e tyre në Telegram duke pohuar se disponojnë 259 TB të dhëna të shqiptarëve.
“Homeland Justice” deklarojnë se drejtuesit e “One Albania” kanë bashkëpunuar duke paguar mediat në mënyrë që të fshehin dëmin kolosal që kanë shkaktuar hakerat duke cënuar privatësinë e abonentëve të kësaj kompanie telefonike.
Hakerat gjithashtu bëjnë me dije se 259 TB të dhëna nga abonentët e Albanian Mobile Communications (AMC) do të shiten për 1 BTC
“Ai që shtyp të varfrin për të shtuar pasurinë e tij dhe ai që u jep dhurata të pasurve, të dy vijnë në varfëri. Fjalët e urta 22:16
Drejtuesit e kompanisë “One” kanë bashkëpunaur ditë-natë me mediat për të fshehur dënim e sulmit kibernetik, por ata janë shumë kokëfortë për të ndihmuar shqiptarët.
259 TB të dhëna nga Albanian Mobile Communications (AMC) do të shiten për 1 BTC”, shkruajnë hakerët në mesazhin e tyre.
- Të dhënat e shqiptarëve në rrezik të vazhdueshëm nga hakerat
Në një tjetër mesazh para 5 ditwsh, hakerët tregojnë se janë vjedhur edhe të dhënat e kompanisë celulare Eaglemobile.al, sot pjesë e One Albania. Hakerët ngrenë pyetjen se pse klientët u besojnë të dhënat e tyre personale këtyre kompanive kur politikanët e korruptuar që qeverisin në Shqipëri nuk mund të mbajnë të sigurta të dhënat e tyre.
Kompania celulare ONE Albania ka shkaktuar jo pak herë zemërim dhe revoltë tek abonetët e saj për shkak të problematikave të ndryshe që hasin duke nisur nga ofertat dhe rimbushjet, për të cilat nuk gjejnë as zgjidhje të shumtat e rasteve.
Kujtojmë se grupi “Homeland Justice” ka publikuar pak muaj më parë një sërë dokumentash. Mes tyre, kanë qenë lista të zgjedhësve, certifikatat e sigurisë të punonjësve të Ministrisë. Të dhëna të tjera që janë publikuar prej tyre janë patentat, targat, pagat si dhe listën e punonjësve të SHISH. Ata kanë publikuar dhe të dhënat personale të kryepolicit Muhamet Rrumbullaku, ish-kreut të SHISH, Helidon Bendo, nënkryetarit Oljan Kanushi, ish-drejtorit të Policisë së Shtetit, Gledis Nano si dhe e-mailet e këtij të fundit.
Lista me fluturimet e kryeministrit Edi Rama ishte një tjetër publikim që ngjalli debat në vend, me opozitën që ka kërkuar komision hetimor, duke akuzuar Ramën për shpërdorim detyre dhe vjedhje të parave publike. Kërkesa megjithatë u refuzua nga mazhoranca socialiste.
