Autoritetet meksikane po përpiqen të gjurmojnë sinjalet e telefonave celularë ndërsa shtojnë kërkimin e tyre për 31 emigrantë nga Venezuela, Ekuadori, Kuba dhe vende të tjera, të cilët u rrëmbyen në shtetin verior të Meksikës, Tamaulipas, tha sot Ministrja e Sigurisë Rosa Isela .
Të dielën, persona të armatosur ndaluan një autobus dhe morën peng 31 nga 36 emigrantët në bord. Autobusi ishte nisur nga Monterey për në qytetin kufitar të Matamoros, matanë rrugës nga Brownsville, Teksas.
Rodriguez tha se ky rrëmbim është “i pazakontë” për shkak të numrit të madh të viktimave. Autoritetet po përpiqen të gjurmojnë sinjalet e celularëve të të rrëmbyerve dhe po analizojnë vendndodhjet e tyre të fundit të njohura, shtoi ai.
Një numër rekord migrantësh kaluan vendet e Amerikës Qendrore dhe Meksikën në vitin 2023 për të arritur në SHBA, për t’i shpëtuar varfërisë, krimit dhe grindjeve.
Shteti i Tamaulipas përballet me sfida serioze sigurie ndërsa bandat e krimit të organizuar luftojnë njëra-tjetrën për kontrollin e rrugëve të trafikut të drogës dhe qenieve njerëzore.
