Drejtori sportiv i Interit, Piero Ausilio, ka hedhur poshtë pretendimet se klubi zikaltër mund të transferojë Armando Brojën gjatë merkatos së janarit.
Raportet në Itali sygjeronin se Interi ishte i interesuar për sulmuesin e Kombëtares i cili po kalon një moment të paqartë te Chelsea, por Ausilio, megjithatë, i ka rrëzuar këto pretendime.
“Jo, më vjen keq, por kjo nuk është e vërtetë, sepse ne jemi të kënaqur me sulmuesit që kemi. E njoh Brojën dhe e di që po rikuperohet nga një dëmtim i rëndë dhe gjithashtu ka shënuar një gol. Por te Interi nuk ka asnjë shans siç janë gjërat”.
Broja shihej me interes edhe nga Milani dhe West Ham gjatë merkatos së verës, por nuk u largua nga “Blutë” pasi ishte pjesë e planeve të Pochettino.Ndërkohë as paraqitjeve jo bindëse në ndeshjet e fundit duket se gjërat kanë ndryshuar për 22-vjeçarin në Stamford Bridge.
