Belind Këlliçi ka reaguar pasi GJKKO miratoi kërkesën e SPAK duke vendosur arrest në shtëpi me mbikëqyrje policore ndaj kryedemokratit Sali Berisha.
“Ta gëzojmë drejtësinë e re”, shprehet me ironi ish-deputeti demokrat.
“Sot zyrtarisht, Edi Rama e rreshton Shqipërinë krenare krahë Rusisë, ku lideri i opozitës burgoset pa asnjë fakt, pa asnjë provë, pa asnjë akuzë. Nga sot jemi i vetmi vend i NATO me kryetarin e opozitës të burgosur dhe madje të privuar nga e drejta e fjalës. Ky proces thellësisht politik, do t’i kthehet shumë shpejt në bumerang Edi Ramës, i cili sot krekosej në mbrojtje të hajdutit 2 metrosh Ilir Beqja e shpjegonte se si të qenurit person nën hetim nuk do të thotë asgjë! Kur ky standard i drejtësisë aplikohet për një ish President, ish Kryeministër të vendit, imagjinoni se çfarë ndodh me një qytetar të thjeshtë. Nga sot Shqipëria rikthehet nën diktaturë”, shkruan Këlliçi në një postim në rrjetet sociale.
