Arlind Kalaja, një emër i njohur për klubet e Superiores, ka nisur një aventurë të re në futbollin grek. Sulmuesi shkodran, tashmë i është bashkuar një klubi me shumë emër në futbollin e këtij vend, Panioniosit.
Klubi ka zyrtarizuar marrëveshjen me 28-vjeçarin, i cili u largua nga Superiorja drejt Suedisë në vitin 2022 për t’iu bashkuar Ljungskiles, por më pas u kthye përsëri në Ballkan, për të luajtur në kategoritë e ulëta në Greqi.
“Komiteti Menaxhues i Panionios FC njofton blerjen e futbollistit Arlind Kalaja. Sulmuesi anësor 28-vjeçar ka qene futbollist me te gjitha kombëtaret e moshave të Shqipërisë dhe në gjysmën e parë të sezonit luante me skuadrën e Fosterit.
Ai erdhi në vendin tonë për herë të parë vitin e kaluar te Panelejsiniakos, ndërsa në të kaluarën ka luajtur me fanellën e Vllaznisë, Kukësit, Kastriotit dhe Teutës në Shqipëri, si dhe Ljungskile në Suedi”, shkruhej në njoftimin e klubit.
