Drejtoria e Përgjithashme e Burgjeve i është përgjigjur kërkesës së Policisë së Shtetit në lidhjen me mënyrën si do të kryhet amnistia në burgje dhe detyrimeve që duhet të përmbushin të dënuarit.
Të gjithë personave që do të përfitojnë nga amnistia, përpara se të shkojnë përpara familjeve të tyre do t’u merret një kampion AND-je e cila më pas do të administrohet nga Policia e Shtetit.
Ky kampion do të sigurohet në mënyrë që të jetë i krahasueshëm për ngjarje kriminale ku këta persona mund të jenë si të dyshuar nga ana e organeve ligjzbatuese.
Kujtojmë se në bazë të nismës ligjore për amnistinë të hartuar nga Ministria e Drejtësisë, përfitojnë rreth 570 të dënuar. Ministria sqaroi se pushohet ndjekja penale për pjesën më të madhe të kundërvajtjeve penale që dënohen deri në 2 vjet.
Gjithashtu nga kjo nismë përfitojnë nga 1 vit ulje dënimi të gjithë meshkujt dhe 1.5 femrat dhe të miturit që nuk përfitojnë amnisti si të tjerët me përjashtim të të dënuarve me burgim të përjetshëm, të dënuarve për vrasje dhe subjekteve të SPAK.
