Pas debutimit të një gjyqtareje femër në një ndeshje të Premier League, me Rebecca Welch të shtunën e kaluar në Fulham-Burnley, lidershipi anglez rezervon sot rikthimin e një arbitri me ngjyrë në këtë kampionat 15 vite pas paraqitjes për herë të fundit.
Për herë të fundit, ishte sezoni 2007-2008 me Uriah Rennie i cili drejtoi një ndeshje në Premier League, i cili kishte që nga viti 1997 që e bënte këtë gjë.
Por sot, 42-vjeçari Sam Allison u zgjodh për të gjykuar ndeshjen e sotme mes Sheffield dhe Luton.
Aktualisht, janë 32 mijë gjyqtarë që gjykojnë në futbollin anglez, por vetëm 8% e tyre janë me ngjyrë.
