Faktorizimi i mbrojtësit Kim në ndeshjet e fundit ka dhënë indikacionet e duhura në prapavijën e kampionëve, vetëm 1 gol të pësuar në dy teste të vështira si Shtutgarti dhe Volfsburgu.
Futbollisti korean nuk ka dashur ta marrë mbi supe formën pozitive në prononcime, duke e “transferuar” vëmendjen te kapiteni Manuel Nojer, teksa e ka “graduar” edhe si komandant rreth sigurisë dhe aftësive komunikuese në fushë: “Neuer na shtyn vazhdimisht të japim më të mirën dhe të marrim besim prej frazave që ai përçon.
Në të tilla skena, grupi fiton siguri, e cila prezantohet në manovra, sidomos reparti i mbrojtjes. Nuk kam treguar kurrë detaje në lidhje me Manuelin. E kam ndjekur në televizion që kur isha fëmijë dhe ai është edhe më i mirë nga sa e gjykoja më parë. Vlerë e shtuar jo vetëm në kontigjentin e Bajernit, por në Bundesligë e çdo turne që portieri 37-vjeçar përfshihet”, e mbylli Kim.
Nojer iu rikthye futbollit aktiv pas ndalesës së gjatë, aty ku thyerja e këmbës në sportin e rrezikshëm të skijimit gati një vit më parë e “paralizoi” larg fushave më tepër se 300 ditë.
