Shefqet Krasniqi, është 55-vjeçari nga Kosova, që i dha fund jetës duke u djegur brenda një automjeti.
Ngjarja ndodhi mesnatën e kaluar, ndërsa mbeten ende të paqarta arsyet e ngjarjes.
Në njoftimin paraprak, Policia vendase shkruante se kishte të bënte me një ‘vdekje të dyshimtë’.
“Vetura e djegur është një golf 2, ndërsa viktima dyshohet të jetë Sh. K. I lindur në vitin 1968 nga fshati Jeshkovë, Prizren. Në vendngjarje kanë dalë të gjitha njësit përgjegjëse për rastin si dhe prokurori kujdestar”, thuhet në njoftim.
Për humbjen e tij ka shkruar një zyrtar i Nismës, Zafir Berisha i cili thotë se Krasniqi ishte pjesëtar i Ushtrisë Çlirimtare të Kosovës.
“Prehu në paqe Shefqet Krasniqi. Tronditëse është lajmi për vdekjen tënde o njeri i mirë. Ishe shembull në këtë botë, si prind, si shok, si luftëtar i UÇK-së në shërbim të Kosovës,, nuk e ke meritu të largohesh nga kjo botë kështu dhe në këtë kohë!”, ka shkruar Berisha.
