Zjarri në pallatin 12 katësh, ku ndodhet dhe qendra tregëtare “Metropol” në Lushnjë, ka dalë sërish jashtë kontrollit.
Mësohet se situata tanimë është vështirësuar sërish, pasi zjarri ka nisur të marrë përmasa të madha. Flakët kanë përfshirë dy kate, me konkretisht të tretin dhe të katërtin.
Zjarri u vu një herë nën kontroll, por u riaktivizua sërish në katin e tretë, aty ku ndodhej dhe lokali, i cili ishte i ndërtuar i gjithi prej druri dhe bëri të mundur përhapjen me shpejtësi të flakëve.
Forcat e zjarrfikëses dhe efektivët e Policisë, evakuhuan të gjithë banorët nga godina, ku 39 qytetarë dhe tre zjarrfikës, sipas burimeve zyrtare, përfunduan në spital me probleme me frymëmarrjen.
Së fundmi, mësohet se drejt vendit të ngjarjes janë nisur dhe forcat zjarrfikës nga Belshi dhe Vlora, teksa më herët në ndihmë të zjarrfikësve të Lushnj♪7s shkuan dhe ata nga Fieri dhe Tirana.
