Anis Mehmeti gjeti golin e parë sezonal në Champioship me Bristol Cityn. Mesfushori i avancuar shqiptar, realizoi një gol shumë të bukur në suksesin 3-2 përballë Hull.
Ishte minuta e 76’ kur 22-vjeçari veproi bukur në krahun e majtë dhe mposhti portierin kundërshtar me një goditje potente.
Gol që barazoi përkohësisht rezultatin në 2-2, me vendasit që ia dolën të përmbysnin gjithçka tetë minuta më vonë.
Duke siguruar suksesin e dytë radhazi në divizionin e dytë të futbollit anglez. Mehmeti ndodhet në rrugën e duhur për t’u kthyer në formë.
Lojtari shqiptar i lindur në Londër, debutoi me kombëtaren shqiptarë në ndeshjen e 27 marsit përballë Polonisë në Varshavë.
Deri tani numëron 3 takime me kuqezinjtë, teksa gjatë dueleve të fundit të eliminatoreve të Euro 2024, trajneri Sylvinho zgjodhi të ftonte të tjerë lojtarë në vendin e tij.
