Festat e fundvitit kanë rikthyer fluksin e emigrantëve që kthehen në atdhe për t’i kaluar pushimet me familjarët e tyre.
Fluks i shtuar është vënë re në nisje të fundjavës, në pikën e kalimit kufitar të Kapshticës.
Emigrantët që jetojnë e punojnë në Greqi po kthehen për të kaluar festat e fundvitit në shtëpitë e tyre, ndaj në hyrje janë krijuar edhe radhë makinash.
Raportohet se nga vendi fqinj në drejtim të vendit tonë kanë kaluar më shumë se 2200 shtetas shqiptarë e të huaj.
Ndërkohë ditën e djeshme në Kapshticë kanë hyrë 5518 shtetas dhe kanë dalë 2185. Sa i përket pikës së kalimit kufitar të Qafë Thanës kanë hyrë në drejtim të 2145 shtetas dhe kanë dalë 2512.
Për të përballuar numrin e madh të lëvizjeve të mjeteve autoritetet tona të kufirit kanë shtuar numrin e sporteleve duke punuar me 4 të tillë në hyrje e tre të tjera në dalje, ndërsa pala helene me 3 të tilla në secilin drejtim.
