Kampionët e Interit eliminohen nga Kupa e Italisë, teksa u mposhtën mbrëmjen e sotme në “San Siro” me shifrat 1-2 nga Bologna pas kohës shtesë.
Interi kishte shansin e artë të shënonte në minutën e 65’ por nuk ia doli, pasi Lautaro Martinez gaboi nga pika e bardhë e 11-metërshit.
Nuk mjaftuan 90 minutat që të vendosin fatet e kësaj ndeshje ku në kohë të rregullt sfida përfundoi 0-0. Ndërsa pas shtesës 30 minutëshe, ndeshja përfundoi 1-2. Për golin e Interit, mendoi Carlos Augusto në minutën e 92’. Ndërsa baraspeshën e solli Sam Beukema në minutën e 112’.
Kurse ai që shtangu të besuarit e Inzaghit ishte Ndoye në minutën e 116’. Pas kësaj fitoreje, Bologna shkon në gjysmëfinalen e Kupës ku do të përballet Fiorentinën.
Kujtojmë që në këtë sfidë, Kristjan Asllani ishte titullar. Mesfushori i Kombëtares shqiptare u zëvendësua në minutën e 83’ ku vendin e tij e zuri Sensi.
