Florent Hasani ka fituar çmimin “Këpuca e Artë” për vitin 2023 në mbrëmjen gala “Më të Mirët 2023”.
Hasani shënoi 16 gola për Tiranën sezonin e kaluar në Kategorinë Superiore. Sulmuesi kosovar mbajti nga një fjalim të shkurtër pas çmimit:
“Përshëndetje të gjithëve. Kënaqësi që e mora këtë çmim si golashënuesi më i mirë i kampionatit, duke ndihmuar ekipin tim. Falënderoj klubin e Tiranës, futbollistët, stafin dhe tifozët bardheblu, pa të cilët nuk do të kisha mundur ta merrja këtë çmim” – përfundoi Hasani.
