Në Nion të Zvicrës u hodh shorti i fazës së 1/8-tave të Champions League. Goglat rezervuan përballje interesante, ndërsa shmangën finalet e parakohshme duke pasur parasysh se ekipe në vazon e dytë si Inter apo PSG kanë shmangur kundërshtarë si Manchester City, Real Madrid apo Bayern Munich.
Kështu, nën ampionet e Europës, Inter do të përballen me Atletico Madrid. Short i ndërlikuar për Barcelonën e Napolin që do të përballen me njëra-tjetrën. Fat i keq për Lazion që ndeshet me Bayern Munich. Sakaq, në çiftet e tjera u formuan përballje interesante si Porto-Arsenal, PSG-Sociedad. Gjermanët e Leipzig do të ndeshen me spanjollët e Real Madrid.
Ndeshjet e para do të luhen më datë 13, 14 shkurt si dhe 20 dhe 21 shkurt ndërsa ato të kthimit do të zhvillohen më datë 5,6 mars si dhe 12 dhe 13 mars të vitit 2024.
Pas përfundimit të sfidave, më 15 Mars 2024 do të hidhet sërish një short për të përcaktuar përballjet çerekfinale dhe ato gjysmëfinale. Sfidat e para çerekfinale do të luhen më 9 e 10 Prill, ndërsa të kthimit më 16 e 17 Prill. Gjysmëfinalet do të zhvillohen më 30 Prill e 1 Maj, ndërsa takimet e kthimit më 7 e 8 Maj. Finalja do të luhet më 1 Qershor në Uembli të Londrës.
Shorti i fazës së 1/8-tave:
- Porto-Arsenal
- Inter-Atletico Madrid
- Napoli-Barcelona
- Lazio-Bayern Munich
- PSV-Borussia Dortmund
- Copenhagen-Manchester City
- Leipzig-Real Madrid
- PSG-Real Sociedad
Lexo edhe:
Hidhet shorti i Europa League/ Buzëqesh Milani. Të gjitha përballjet
