Shaip Kamberi, kreu i Partisë për Veprim Demokratik, pritet të jetë fitues i një tjetër mandati deputeti në Kuvendin e Serbisë për të përfaqësuar shqiptarët në Luginën e Preshevës.
Këtë herë shqiptarët në Serbi votuan të ndarë, teksa përballë Kamberit garoi Visar Memeti nga Presheva. Sipas rezultateve të deritanishme, Kamberi ka dominuar në vota në pjesën më të madhe të njësive.
Nga të dhënat e siguruara në terren, deri në orën 16:00 në qendrat e votimit Preshevë kanë votuar 5077 persona apo 11,71 për qind e tyre. Ndërsa në Bujanoc numri i atyre që kanë votuar deri në orën 16:00 ka shkuar në 22.76%
Rezultati i deritanishëm në Preshevë dhe Bujanoc është:
Shaip Kamberi 11606 vota
Visar Memeti 1145 vota
Shqiptarët e Luginës së Preshevës kanë treguar një model të shkëlqyer në procesin e votimit, pa incidente apo akuza për manipulime, ndryshe nga shumë zona të tjera të votuesve serbë ku janë raportuar incidente të rënda si presione, votim i hapur, fotografim i votës e të tjera.
