Vllaznia ia doli të triumfojë ndaj Tiranës në Klasiken e Shqipërisë. Shkodranët triumfuan 1-0 ndaj bardhebluve në “Selman Stërmasi”.
Pas këtij triumfi ka folur Qatip Osmani, i cili ka theksuar se e merituan këtë fitore.
“4 ndeshje dhe 3 fitore? Kemi përmirësim në lojë dhe jo vetëm tek e sotmja. Lojtarët zbatuan detyrat që iu dhash. Një Vllazni agresive, sot e merituam fitoren.
Festa pas ndeshjes? Sigurisht nuk është e lehtë të fitosh ndaj Tiranës, që është pretendente për kampione. Është një ndër ekipet më të mira në Shqipëri.
Ndërrimi i sistemit me futjen e Pusit? Po ndoshta u tërhoqëm pak herët për të ruajtur rezultatin. Idea ishte të prisnim në 20 metrat e fundit dhe të godisim në kudnërsulm. Dëshironim të mbyllin lojën dhe prandaj e futëm një lojtar të tillë dhe ndryshova skemën.
2 fitore në transfertë dhe 1 në “Loro Boriçi”. Kërkoni mbështetjen e tifozëve? Sigurisht që u kërkoj të mëbshtesin sa më shumë skuadrën dhe jam i bindur se në ndeshjen e ardhshme do të ketë prezencë më të shumtë.
Terreni? Fusha nuk ishte e përshtatshme si për ne ashtu edhe për Tiranën. Lojtarët e kishin të vështirë, por këto janë kushtet.
A e njeh në thelb Vllazninë? 100% më duhet ende pak kohë, por diçka është e sigurtë se në Shkodër e duan shumë futbollin dhe Vllazninë”.
