Dinamo do të ketë një ndryshim të detyruar sot. Marku nuk do të jetë për shkak kartonësh dhe stafi teknik ka qenë në dilemë gjatë javës për lojtarin që do ta zëvendësojë.
Ai që përshtatet më shumë në atë pozicion është Patrik Bardhi, një sulmues i djathtë, por që më parë është aktivizuar edhe i tërhequr në mbrojtje. Pjesa tjetër e skuadrës është po ajo, me Salin në portë, për të vazhduar me Behiratçen, Hoxhën dhe Allmuçën në mbrojtje.
Në mesfushë do të jetë me shumë mundësi treshja e përbërë nga Andoni, Lorran dhe Gudiabi.
Ka edhe një dilemë tjetër për sulmin në fakt, ku i sigurt duket vetëm Denison. Nëse Zabërgja e nis sërish nga stoli, Kaçorri dhe Vila do të jenë titullarë.
