Pas rreth një ore dëshmi, Drejtori i Agjencisë Kombëtare të Mbrojtjes Civile, Haki Çako ka dalë nga ambientet e Prokurorisë së Posaçme (SPAK).
I pyetur nga gazetaret mbi arsyen e paraqitjes në SPAK, Çako u përgjigj shkurtimisht duke thënë se nuk ishte për të dhe as institucionin që përfaqëson. Por, shtoi se ka të bëjë me një çështje që lidhet me fushën e përgjegjësisë.
“Isha në cilësinë e detyrës që kam, për të sqaruar një çështje që lidhet me fushën e përgjegjësisë, por nuk ishte personalisht as për mua dhe as institucionin tim”, shprehet Çako .
Haki Çako ka qenë ish-drejtor i Policisë së Shtetit prej vitit 2015 deri në vitin 2018.
