Një grup kriminal që merrje me trafikun e drogës është zbuluar nga autoritetet në Spanjë e si rezultat është arrestuar 1 nga 4 antarët e bandës, të gjithë me kombësi shqiptare.
Mediat vendase shkruajnë se shqiptarët e ruanin marijuanën në një shtëpi në Otura, dhe e shpërndanin në vende të ndryshme të Evropës.
Si u zbuluan nga policia?
Hetuesit organizuan një mbikëqyrjeje rreth shtëpisë së përmendur në përpjekje për të identifikuar të gjithë personat e lidhur me këtë bandë të trafikut të drogës dhe gjatë këtyre hetimeve ata panë një furgon Renault Kangoo duke u larguar nga banesa me një nga të dyshuarit. Agjentët u përpoqën të kapnin automjetin e përmendur, por drejtuesi i tij u largua me shpejtësi të madhe.
Pasi ndoqën automjetin përgjatë A44 në drejtim të Motrilit, agjentët panë që furgoni u largua nga autostrada pranë Lecrin. Menjëherë pas kësaj, ata e gjetën atë të braktisur dhe e panë të dyshuarin duke vrapuar. Policia arriti ta kapte dhe ta arrestonte. Pas arrestimit u konstatua se furgoni ishte i ngarkuar me më shumë se 67 kilogramë marijuanë të ambalazhuar me vakum.
Të nesërmen, Garda Civile kërkoi autorizimin nga Gjykata e Granadës për të kryer një kontroll shtëpie në shtëpinë ku dyshohej se shërbente si çerdhe droge, ku u zbuluan edhe 25 kilogramë marijuanë të mbushur me vakum dhe gati për transporti. Tre anëtarët e tjerë të bandës ishin larguar, megjithëse janë identifikuar plotësisht dhe janë në kërkim.
I paraburgosuri i vetëm deri tani ka hyrë në burgun Albolote pasi është vënë në dispozicion të Gjykatës së Detyrës së Granadës. Ky aksion i Gardës Civile është pjesë e operacionit “Miller”, një operacion që po kryhet nga Garda Civile në nivel kombëtar kundër kultivimit dhe trafikimit të paligjshëm të marijuanës.
