Një shqiptar, i cili kishte ikur drejtësisë italiane, ishte fshehur mes paletave me birrë dhe detergjente dhe ishte gati të nisej për në Shqipëri.
Por efektivët në detyrë në portin e Barit, e zbuluan dhe e çuan në burg, para se të largohej përfundimisht nga toka italiane.
Kështu ka përfunduar Aventura e të arratisurit me kombësi shqiptare, i cili ishte dënuar me burg pasi konsiderohej anëtar i një organizate të përfshirë në vjedhje në zonën e Cilentos.
Kur ushtarakët e identifikuan, i arratisuri nuk bëri rezistencë. Pasi u arrestua ai u dërgua në burgun e Barit në dispozicion të organeve të drejtësisë.
