Eksperti i ekonomisë Alban Zusi deklaron se vënia e akcizës mbi makineritë e prodhimit vendas do të bëjë që shumë njerëz të hiqen nga puna.
“Që të vësh akcizë mbi makineritë që ndizen për të prodhuar, që ti ta bësh prodhimin vendas më pak konkurrues, që ta mbyllësh fare. E çon në zero, i hap rrugën importit. Heq njerëzit nga puna, heq teknicienët. Dhe ai që e ka shkruar ktë ai duhet të japi llogari.”, tha Zusi.
Nga ana tjetër, sipas ekspertit shqetësimi kryesor është se buxheti 2024 nuk ka asnjë mbështetje për bizneset që janë në prag falimentimi. Për këto nuk ka asnjë analizë dhe asnjë adresim. Sipas Zusit kjo mund të rezultojë deri në përgjegjësi penale.
“Shqetësimi kryesor do të ishte pse nuk kanë projekt-buxhet fonde për të mbështetur bizneset në prag falimenti bizneset eksportuese. Pse nuk përmenden fare. A ka një analizë? A ka një studim? Këto njerëz që kanë bërë buxhetin. Ka fol kryeministri, ka fol ministri i Financave, e ka adresuar dhe Guvernatori që ka një problem me eksportet. Si ka mundësi që nuk adresohet fare si problem. Buxheti më i madh i mundshëm. Ka edhe përgjegjësi penale edhe për këto”, tha Alban Zusi për Faxnews.
